Къоман гвардин Нохчийн Республикехула йолчу Урхаллин «АХМАТ-1» ОМОН-н бӀаьхойн рогӀера тоба дӀайахана ТӀеман леррина операци дӀайахьаран меттигашка.
Цигахь болчу шайн белхан накъосташца хийцалур бу уьш.
Оцу хьокъехь хаам бина Кадыров Ахьмад-Хьаьжин Рамзана.
Цо билгал ма-даккхара, шайх тешийна каде декхарш кхиамца кхочушдан оьшуш мел болу гӀирс а, герз а, техника а нохчийн бӀаьхошкахь йолуш йу.
«Нохчийн бакъонашларйархойн структурашкахь дуккха а дика бӀаьхой бу — эвсаре а, тӀом бан хууш а, тӀом бан лууш а болуш. Шайх тешийна декхарш кхочушдарехь вайн кӀентийн аьтто хуьлийла лаьа суна«, — йаздина Нохчийчоьнан Мехк-Дас.
БӀаьхой новкъабахарехь дакъалаьцна Къоман гвардин Нохчийн Республикехула йолчу Урхаллин хьаькама Делимханов Шарипа.