Демократин пачхьалкхаш йу шаьш бохучу мехкаша Ӏазапехь, таӀзарехь латтош долу халкъаш паргӀатдахаран эскар кхолларан ойланаш а, лаам а бу Кадыров Ахьмад-Хьаьжин Рамзанан.
Оцу хьокъехь хаам бина цо ша Гуьмсерчу Россин спецназан университетехь а волуш.
Нохчийн Республикин Мехк-Дас билгал ма-даккхара, дикка кечдина эскар ду цунна дезарг, шен могӀарехь дерриге а дуьненара нах а болуш.
«Шайн синош а, догӀмаш а къепе, нийсо къийсаран дуьхьа дӀадала кийча хила безаш бу уьш. Соьмана дуьхьа бала кийча болу нах ца беза«, — хаийтина Кадыров Рамзана.