Карарчу шарахь а жигара дӀахьур болуш бу токхамех баланаш хьоьгучу бахархошна керлачу хӀусамашца кхачойаран болх.
Оцу хьокъехь хаам бина вайн мехкан ГӀишлошйаран а, хӀусамийн-коммунальни бахаман а министерствос.
Билгалдаьккхина ма-хиллара, карарчу 2023-чу шарахь керла а, кхерамза а хӀусамаш кхочур йу 140 доьзална (979 стагана).
Нажи-Йуьртан а, Курчалойн а, Гуьмсан а, Теркан а кӀоштийн бахархой бу уьш.
Царна лур йолу хӀусамаш 2 декъе йекъалуш хиларна тӀе тидам бахийта богӀу: 1) цӀенош; 2) петарш.