Нохчийн Республикин могашалла Ӏалашйаран министерствон автопарк 109 машенца тӀейуьзна.
Керла машенаш оцу ведомствон хьашташна дӀайаларехь дакъалаьцна Кадыров Рамзана.
Цо билгал ма-даккхара, 109 машенах 65 машен «Лада Гранта» йу, ткъа 44 машен — «Лада Нива».
«Лада Нива» машенаш «Тревел» а, «Классик» а комплектацешкахь хиларна тӀе тидам а бахийтина Нохчийн Республикин Мехк-Дас.
14 муниципалитетерчу медицинин хьукматийн хьашташна дӀалур йолуш йу и машенаш.
«Могашалла Ӏалашйар» къоман проектан гурашкахь кхочушйечу «Медицинин хьалхара дакъа кхиор» программин гӀоьнца эцна йу уьш.