Нохчийн Республикин Мехк-Дас Кадыров Рамзана а, Россин Федерацин йуьртан бахаман министра Патрушев Дмитрийс а дакъалаьцна Органан гидрокоьртан комплексан болх дӀаболорехь.
2021-чу шарахь дуьйна тойеш йара иза.
Шелан а, Хьалха-Мартан а, Грозненски а кӀошташкахь а, Устрада-ГӀалин округехь а йуьртан бахаман хьашташна лелочу латтанашна хица кхачойаран белхашна доккха маьӀна долуш йу Чуьйри-Эвлахь йолу и комплекс.
Иза схьайелларца а догӀуш, 24 эзар гергга га йуьртабахаман майданашна хица кхачойан аьтто хиларал сов, 700 сов белхан меттиг кхолла а йиш хир йу.
Нохчийн Республикин Мехк-Дас билгал ма-даккхара, дикаллин лехамашна беш иэшам а боцуш, сихонца меттахӀоттийна и маьӀне комплекс белхалоша.
Цара тойина хиӀаӀоран чӀинг (плотина), иштта, йина белхан чоьнаш а, тойаран-механикин пхьалгIанаш а.
Цул сов, чIингана тIехула тIай а тиллина.
Мехала ду цигарчу гIирсашна автоматан кепехь урхалла дийриг хилар.