Соьлжа-ГӀала веанчу Къилбенан ХӀирийчоьнан Президентаца Гаглоев Аланца цхьаьнакхетар дӀадаьхьна Кадыров Рамзана.
Оцу хьокъехь хаам а беш, нохчийн Мехк-Дас билгалдаьккхина Гаглоев Алан Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин иэсана леринчу хӀолламна хьалха хилла хилар.
Иштта, Гуьмсерчу Россин спецназан университете кхача а, Нохчийн Республикехь Къилбенан ХӀирийчоьнан культурин денош дӀадахьаран болх дӀаберзорехь хила а лерина ву иза.
Оцу мехкан культурин денош вайн республикехь дӀадахьаран болх Соьлжа-ГӀаларчу Даздарийн цӀийнехь чаккхене боьрзур бу.