Нохчийн Республикин Мехк-Дас Кадыров Ахьмад-Хьаьжин Рамзана дӀакхайкхийнчу Нохчийн меттан шеран гурашкахь Кадыров Ахьмад-Хьаьжин цӀарахчу Нохчийн пачхьалкхан а, Нохчийн пачхьалкхан хьехархойн а университетийн филологин факультетийн студенташлахь нохчийн маттахь тоьлла говзар йазйарехь Къоман политикин, арахьарчу зӀенийн, зорбанан, хаамийн министерствоца цхьаьна «Даймохк» газето дӀабаьхьначу къовсаман жамӀаш даран болх дӀабаьхьна тахана газетан редакцехь.
1-ра меттиг Пашаева Фаридас йаьккхина (НПХьУ);
2-гӀа меттиг Сурхаева Альбикас йаьккхина (НПХьУ);
3-гӀа меттиг Эльтуева Ӏайшата йаьккхина (НПУ).
Дипломашца а, мехалчу совгӀаташца а билгалбаьхна уьш.
Царна совгӀаташ дӀадаларехь дакъалецира Къоман политикин, арахьарчу зӀенийн, зорбанан, хаамийн министерствон хаамийн а, зорбанан а департаментан директора Музуров Ламберта а, къоман «Даймохк» газетан коьртачу редактора Шамсудинов Бувайсара а, Шуьйрачу хаамийн гӀирсийн белхахой кечбаран а, йухакечбаран а туьшан директора Юнусов Хьамзата а.