Видеоконференцин рожехь «Единая Россия» партис дӀайаьхьначу кхеташонехь дакъалаьцна Къоман политикин, арахьарчу зӀенийн, зорбанан, хаамийн министра Дудаев Ахьмада.
Ишколаш тойаран а, иштта, ишколаш а, берийн бошмаш а йаран а программина лерина йара иза.
Оцу программехь, кхеташонехь билгал ма-даккхара, дакъалоцуш йу Россин субъекташкара 7 300 гергга ишкол.
Нохчийн Республикин хьокъехь аьлча, «Единая Россия» партин «Керла ишкол» проектан гӀоьнца тойийр йолуш 111 ишкол йу карарчу шарахь.
Цул сов, тайп-тайпанчу программех пайда а оьцуш, 1 540 меттигна лерина 13 берийн беш а йу йийр йолуш.
Ишколашца а, берийн бошмашца а, кегийрхой кхетош-кхиорца а боьзна болх шен лерринчу тергонехь латтош Нохчийн Республикин Мехк-Да Кадыров Рамзан хилар хаийтира Дудаев Ахьмада.
И берриге а белхаш бовзийтарехь жигаралла гойтуш бу республикин шуьйрачу хаамийн гӀирсаш — оцу темина лерина 335 материал кечйина цара хӀокху шарахь.