ТӀеман лерринчу операцин дакъалацархошна гӀодаран фондан болх кеста дӀаболалур бу Соьлжа-ГӀалахь.
«Даймехкан гӀаролхой» цӀарца пачхьалкхан тӀегӀанехь болх беш хир йу иза.
Нохчийн Республикин вице-премьера Алханов Адама а, Къинхьегаман а, белхан меттигаш нисйаран а, социальни кхиоран а министра Баширов Ӏусмана а теллина оцу фондана лерина гӀишло.
Кхузаманахьлерчу лехамашца йогӀуш гӀишло йу иза.
Цунна оьшуш йолу йийбар а, техника а йу кеста схьакхочур йолуш.