Къоман политикин, арахьарчу зӀенийн, зорбанан, хаамийн министр Дудаев Ахьмад а, Кадыров Ахьмад-Хьаьжин цӀарахчу Полицин лерринчу полкан буьйранча Чалаев Замид а, кхиберш а, белхан гӀуллакх а эцна, йуха а Донбассехь хилла.
Нохчийн Республикин Мехк-Дас Кадыров Рамзана бина оцу хьокъехь хаам.
Цо билгал ма-даккхара, вайн мехкан векалш цигахь тӀелаьцна Донецкан Халкъан Республикин куьйгалхочун декхарш ханна кхочушдечу Пушилин Дениса.
Цуьнца цхьаьна уьш хилла Нохчийн Республикин Мехк-Ден гӀоьнчин, «АХМАТ» спецназан буьйранчин Алаудинов Аптин штабехь.
Циггахь дӀадаьхьначу цхьаьнакхетарехь йийцаре йина кхидӀа а цхьаьна бан безачу белхан агӀонаш, керланаш, хийцамаш, и.д.кх.а.
Кадыров Рамзана ма-хаийттара, царах хӀора жигаралла гойтуш ву украинхойн нацисташца а, НАТО-н зуламхошна а тӀехь толам баккхаран декъехь.