Луларчу Украинехь а, шен керлачу регионашкахь а Россин Федерацис дӀахьочу тӀеман лерринчу операцехь дакъалаца шайн лаамехь боьлхучеран рогӀера тоба дӀайахана Кадыров Ахьмад-Хьаьжин цӀарахчу Соьлжа-ГӀалин дуьненайукъарчу «Северный» аэропортера.
Нохчийн Республикин Парламентан спикера М.Даудовс а, Нохчийн Республикин чоьхьарчу гӀуллакхийн министран гӀовс — полицин хьаькам волчу А.Ирасхановс а дакъалаьцна уьш новкъабахарехь.
Telegram чуьрчу шен агӀонехь оцу хьокъехь хаам бина Кадыров Рамзана.
Цо билгал ма-даккхара, тайп-тайпанчу халкъийн а, динийн векалш бу церан могӀарехь.
Цул сов, Гуьмсерчу Россин спецназан университетехь, Кадыров Ахьмад-Хьаьжин цӀарахчу Йукъараллин фондо гӀо а деш, цаьрца Ӏаморан а, тактикин а, медицинин хьалхара гӀо-орца кхачоран а декъехь белхаш дӀабахьар а тӀетоьхна Нохчийн Республикин Мехк-Дас.