Туркойчоьнан президентан харжамийн 2-чу турехь Эрдоган Реджепа толам баьккхина.
Оцу хиламца иза декъалвина Россин Федерацин Президента Путин Владимира.
Цуьнан декъалдарна тӀе а тевжаш, Нохчийн Республикин Мехк-Дас Кадыров Рамзана а декъалвина Эрдоган Реджеп.
Цо билгал ма-даккхара, шен махкана а, халкъана а дика куьйгалхо хилла ца Ӏаш, дуьненахь бусалбанийн бакъонаш ларйарехь жигара дакъалоцуш а ву иза.
Иштта, Туркойчоьнан а, Россин Федерацин а беркате йукъаметтигаш латторна а, чӀагӀйарна а Ӏаткъам беш а изза ву.
«Политик Эрдоган Реджеп а, дийнна туркойн халкъ а декъалдо ас оцу хиламца! Кхиамаш а, машар а, паргӀато а хуьлийла лаьа Туркойчохь«, — йаздина Нохчийн Республикин Мехк-Дас Кадыров Рамзана.