Нажи-Йуьртан кӀоштан берриге а бахархошна хица кхачойар ду республикин Ӏедалан Ӏалашонехь.
Оцу декъера белхаш дӀа а хьош, кӀоштарчу йарташкахь 320 км хин биргӀанаш йохкур йу.
И бахьана долуш, говзанчаша билгал ма-даккха, кӀоштан берриге а бахархошна хир ду кхачам боллуш хи.
Цул сов, и хи, кхачам боллуш хиларал сов, цӀена а хир ду.
Карарчу хенахь говзанчаш проектан а, сметин а кехаташ кечдарна тӀехь къахьоьгуш бу.
Иза билгалдаьлла Нохчийн Республикин гӀишлошйаран а, хӀусамийн-коммунальни бахаман а министран Зайпуллаев Муслиман а, Нажи-Йуьртан кӀоштан префектан Музуруев Асламбекан а хиллачу цхьаьнакхетарехь.