Бераш лардаран дуьненайукъара де Нохчийчохь а билгалдаьккхина.
Цунна тӀе а доьгӀна, Берийн клиникин дарбанцӀахь хилира Нохчийн Республикин Мехк-Ден Секретариатан куьйгалхочун гӀовс — могашалла Ӏалашйаран декъан куратор Кадырова Хутмат.
Цигахь цомгашчу берашца цхьаьна а кхийтира иза, иштта, мехала совгӀаташ а дира царна.
«Вайн республикин хӀора а къоначу вахархочун дахар ирсе, могаш-маьрша дар ду Ӏалашонехь. Оцу декхаршца вай ларош ду аьлла хета суна, хӀунда аьлча, берийн могашалла Ӏалашйаран гӀуллакх шен лерринчу тергонехь латтош нохчийн Мехк-Да Кадыров Ахьмад-Хьаьжин Рамзан ву«, — билгалдаьккхира Кадырова Хутмата.
Цул сов, цуьнан тӀедилларца а догӀуш, Берийн реабилитацин туьшашкарчу кхиархошна лерина ловзарш дӀадаьхьира Соьлжа-ГӀалин дельфинарехь.