Нохчийн Республикин вице-премьер — йуьртан бахаман министр волу Закриев ИбрахӀимна «Россин агропромышленностан комплексан хьакъволу белхало» сийлаллин цӀарца билгалваьккхина.
И совгӀат цунна дӀаделла Россин Федерацин йуьртан бахаман министра Патрушев Дмитрийс.
Telegram чуьрчу шен каналехь оцу хьокъехь хаам бина Кадыров Рамзана.
Иштта, Кадыров Ахьмад-Хьаьжас кхоьллинчу тобанехь къахьоьгучеран кхиамашна ша воккхавевеш хилар а хаийтина Нохчийн Республикин Мехк-Дас.
Ткъа йуьртан бахаман хьокъехь дуьйцуш цо билгал ма-даккхара, республикин куьйгаллина уггаре а маьӀнечарах ларалуш дакъа ду иза.