«Кхерамза а, дика а некъаш» проектан гурашкахь беркате болх дӀахьош бу Курчалойн кӀоштахь.
Муниципалитетан префекта Ирасханов Асламбека ма-хаийттара, силаман чкъор дуьллуш ду «Хьиди-КӀотар — ЖагӀларга» некъа тӀе.
5 км йохалла йолу и некъ доккха маьӀна долуш бу меттигерчу бахархошна.
ХӀинца, тӀе силам диллича, цунах пайдаэцаран тӀегӀа дукхазза а алсамдер ду.
Говзанчаша хаийтарехь, герггарчу хена чохь дӀаберзор болуш бу цигахь дӀахьош болу болх.