Молханех а, иштта, чевнаш йехкаран а, сих-сиха оьшучу а медицинин гӀирсех а лаьтташ долу гуманитарин рогӀера гӀо-орца дахьийтина Кадыров Ахьмад-Хьаьжин цӀарахчу Йукъараллин фондо.
Донецкан а, Луганскан а халкъийн республикашкахь а, Запорожьехь а болчу «АХМАТ» спецназан бӀаьхошна лерина ду иза.
Telegram чуьрчу шен каналехь оцу хьокъехь хаам бина Кадыров Рамзана.
Цо билгал ма-даккхара, Нохчийн Республикин чоьхьарчу гӀуллакхийн министерствон медико-санитарин дéкъан хьаькам Альдебиров Рамзан ву и гӀо-орца дӀаэцна ваханарг.
«ТӀеман лерринчу операцехь дакъалоцуш болчу вайн бӀаьхошна оьшуш долу медицинин гӀо-орца каде а, кхачаме а дӀакхачо аьтто хир бу хӀинца«, — йаздина Нохчийн Республикин Мехк-Дас.