Тахана билгалдоккхучу Россин денца федерацин бахархой декъалбина Кадыров Рамзана.
Цо билгал ма-даккхара, дукхакъаьмнийн Россин халкъана башха дезде ду таханлера де.
Telegram чуьрчу шен каналехь йаздина иза Нохчийн Республикин Мехк-Дас.
Иштта, шен мохк а, Даймохк а ларбар, Россин Федерацин Президентан Путин Владимиран дӀадолорш къобалдар, цунна муьтӀахь хилар — хӀора а россихочун сийлахь декхар хиларна тӀе тидам а бахийтина цо.
Даханчу шеран хьокъехь дуьйцуш, Росси кхин а 4 субъектаца шорйелла хилар а билгалдаьккхина Кадыров Рамзана — Донецкан а, Луганскан а халкъийн республикашца а, Запорожьен а, Херсонан а областашца а.
«Россин денца декъалво ас вайн мехкан хӀора а вахархо! Машар а, ирс а, беркат а хуьлийла лаьа!«, — дерзийна шен декъалдаран кост Нохчийн Республикин Мехк-Дас.