ХӀокху деношкахь Соьлжа-ГӀалахь дӀайаьхьна Россерчу онкологийн аьхкенан академи.
Онкологин а, радиологин а, зӀенаран диагностикин а декъера цӀейаххана говзанчаш бара цигахь гулбелла.
МаьӀне дара цигахь дакъалоцуш Нохчийн Республикин Мехк-Ден Секретариатан куьйгалхочун гӀовс — могашалла Ӏалашйаран декъан куратор Кадырова Хутмат хилар.
Шен къамелехь цо билгалдаьккхира онкологин гӀуллакхалла Нохчийчохь кхиоран болх республикин Мехк-Дас Кадыров Рамзана лерринчу тергонехь латтош хилар.
Цул тӀаьхьа, вовшашна зеделларг а довзуьйтуш, онкологица а, зӀенаран дарбанца а, керлачу технологешца а доьзнарш дийцаре дира говзанчаша.
Билгалдоккху оцу академин белхан гурашкахь дакъалоцуш Нохчийн Республикин вице-премьер Алханов Адам а, Могашалла Ӏалашйаран министр Лорсанов Сулейман а, Россин могашалла Ӏалашйаран министерствон Радиологин НМИЦ-н коьрта директор Каприн Андрей а хилла хилар.