Нохчийчуьрчу кегийрхойн боламийн болх таханлерчу лехамашца богӀуш хила безаш бу.
Иштта дӀахьедар дина Йерригроссин берийн а, кегийрхойн а «Движение первых» боламан республикерчу Кхеташонан куьйгалхочо Кадыров Ахьмада.
«Ахмат» а, «Путин» а, «Юные Кадыровцы» а боламийн куьйгалхошца цхьаьнакхетар дӀадаьхьна цо.
Оцу боламаша вайн махкахь кегийрхойн политика кхочушйарца а, церан Ӏалашонашца а доьзнарг дийцаре дина цигахь.
Цул сов, тӀекхуьуш долу чкъор патриоталлин а, Ийманехь а кхетош-кхиоран дакъошкахь беш болу болх жигарбаккха безаш хиларна тӀе тидам а бахийтина Кадыров Ахьмада.
Ша куьйгалла дечу «Движение первых» боламера оьшшуш долу гӀо-накъосталла хирг хилар а хаийтина цо.