Беларусерчу Брест гӀалахь схьайиллина Иэсан аллей.
Цу тӀехь, цкъачунна, хаамийн 4 у бен дац.
Даймехкан Сийлахь-боккхачу тӀамехь Брестан гӀопан гӀаролехь лаьттинчу белорусашна а, оьрсашна а, нохчашна а, гӀалгӀашна а лерина ду уьш.
«1941-1945-чуй шерашкарчу Даймехкан Сийлахь-боккхачу тӀамехь Брестан гӀопан гӀаролехь лаьттинчу Нохчийн Республикин бахархошна«, — йозанца кечдина нохчашна лерина хаамийн у.
Иэсан аллей схьайелларехь дакъалаьцна Беларусин а, Брестан областан а, Россин Федерацин а, Нохчийн Республикин а, ГӀалгӀайчоьнан а векалша, Брестан гарнизонан бӀаьхоша, меттигерчу бахархоша.