Шайн лаамаш а, шайна хетарш а бахьана долуш, цхьаболчу наха Даймохк а, цунна хьалха долу декхарш а дӀатосург хилла.
Telegram чуьрчу шен каналехь иштта йаздина Кадыров Рамзана.
Кхеташ ма-хиллара, селханлерчу хиламашца доьзна ду иза.
Нохчийн Республикин Мехк-Дас билгал ма-даккхара, дуккха а нах йукъахь а болуш конфликт хила тарлуш йара селхана, дерриге а цхьана стеган лаамашца, хьежамашца доьзна а долуш.
Россин Федерацин цхьааллина дуьхьал арабевлларш хӀаллакбарца хила тарлуш йара оцу хиламан чаккхе а.
Делахь а, цӀий а ца Ӏенаш дӀадирзина и де.
Цунна тӀе а доьгӀна, ЧВК-н бӀаьхошка кхайкхам бина Кадыров Рамзана, тӀаккхахула мехкан а, доьзалийн а, берийн а кханенах ойла йеш хила аьлла.