Нохчийн Республикин къоман политикин, арахьарчу зӀенийн, зорбанан, хаамийн министр — Нохчийн Республикин Шахматийн федерацин президент Дудаев Ахьмад а, шахматийн спортхой а декъалбина Кадыров Рамзана Шахматийн дуьненайукъарчу денца.
Цо билгал ма-даккхара, шира, башха ларалуш ду шахматашца доьзна спортан дáкъа.
Иштта, тахана, воккха-жима аьлла болу къестамаш а боцуш, оцу спортах ловзуш а, цунах пайдаоьцуш а дуккха а нах хиларна тӀе тидам а бахийтина Нохчийн Республикин Мехк-Дас.
«Нохчийн Республикехь къона шахматхой кхиорехь оьшуш мел долу гӀуллакхаш кхочушдийр ду вай. Дуьненайукъарчу турнирашкахь цара дакъалоцур ду республикин а, мехкан а цӀарах. И болх кхочушбан ницкъ а, аьтто а болуш бу«, — хаийтина Кадыров Рамзана.