Краснодарехь маьждиг даран гӀуллакх дийцаре дина Нохчийн Республикин Ӏедалан векалийн а, Краснодаран крайхь болчу вайн махкахойн а цхьаьнакхетарехь.
Меттигера Ӏедал оцу балхана хӀинццалц само йеш ца хиллехь а, Нохчийн Республикерчу а, Краснодарерчу а Ӏеламнаха и гӀуллакх дийцаре деш дара.
ХӀинца цунна леринчу бакъ-кехатийн рогӀера гӀулч а йу йоккхуш — Краснодаран крайн бусалбанийн союз кхоллар.
Краснодаран крайхь волчу Нохчийн Республикин Мехк-Ден векала Хамзатов Сайд-Хьусейна билгал ма-даккхара, маьждигца доьзна гӀуллакх кхочушдарехь мел оьшуш долу гӀо-накъосталла Нохчийн Республикин куьйгаллера хир долуш ду.
Иштта, оцу крайхь вехаш 150-180 эзар бусалба стаг хилар а хаийтина цо.