Нохчийн Республикин коьрта ТРК «Грозный» а, Краснодаран крайн «Кубань 24» телеканал а лерина йу вовшийн зеделлачух пайдаэца а, цхьаьна проекташ кхочушйан а, и.д.кх.а.
Белхан гӀуллакхца Нохчийн Республикин векалш ГӀобане бахаран гурашкахь йаьккхина гӀулч йу иза.
Ч.Ахмадовс а, А.Руденкос а билгал ма-даккхара, вовшашца видеоконтент йекъа а, белхан зеделлачух пайдаэца а лерина йу ший а телеканал.
Къоман политикин, арахьарчу зӀенийн, зорбанан, хаамийн министр А.Дудаев коьртехь а волуш, нохчийн векалша теллина «Кубань 24»-н болх.
Цул сов, оцу телеканалан серверийн болх тидаме а оьцуш, АСБ-хь а, студешкахь а хилла уьш.