Коммунальни даххашца болх беш йолу «ОНИКС» йукъаралла шен болх керлачу тӀегӀане баккхаран декъехь къахьоьгуш йу.
Цуьнан могӀарера ду компанин хьашташна нехаш схьагулйаран керла 18 машен эцар.
Дола а йаьхна, «ГЛОНАСС» система а хӀоттийна, Соьлжа-ГӀалахь а, муниципалитеташкахь а болх бийр бу цара.
Оцу хьокъехь хаам бина Нохчийн Республикин гӀишлошйаран а, хӀусамийн-коммунальни бахаман а министерствос.