Чуьйри-Эвларчу цемантан заводехь дӀахьош бу пешаш меттахӀитторан белхаш.
Уьш кеста дӀа а боьрзур бу, цемантан сурсаташ арахецаран болх дӀа а болор бу.
Иштта хаам бина Нохчийн Республикин экономикин, мохк кхиоран, махлелоран министра Шаптукаев Рустама.
«Заводан куьйгалла а, белхалой а, де-буьйса аьлла а доцуш, жигара къахьоьгуш бу оцу декъехь«, — билгалдаьккхина министра.
Шеца цхьаьна «Чеченцемент» заводан коьрта директор Дудаев Шамхан а волуш, иза, пешаш меттахӀитторан болх а толлуш, предприятехь хилла.