Россерчу реабилитологийн рогӀера кхеташо Соьлжа-ГӀалахь дӀахьур йу 2024-чу шеран йуьххьехь.
Кадырова Хутмата Москвахь дӀадаьхьначу цхьаьнакхетарехь билгалдаьлла иза.
Россерчу реабилитологийн союзана куьйгалла а деш, РФ-н могашалла Ӏалашйаран министерствон медицинин реабилитацин коьрта говзанча йолчу Иванова Галиница дара НР-н Мехк-Ден Секретариатан куьйгалхочун гӀовсан — могашалла Ӏалашйаран декъан кураторан цхьаьнакхетар.
Иштта, цигахь дакъалоцуш вара РФ-н Президент волчохь НР-н даима а волу векал Таймасханов Бекхан а, Н.Пироговн цӀарахчу Туьшан медицинин реабилитацин клиникин куьйгалхо Дамиров Вадим а.
Республикехь медицинин реабилитаци кхиоран гӀуллакхаш дийцаре дира цигахь.
СВО-н дакъалацархошна реабилитаци йаран болх Нохчийчохь лаккхарчу тӀегӀанехь дӀабахьар а айъира.
И белхаш дӀабахьарехь доккха гӀо-накъосталла деш Кадыров Ахьмад-Хьаьжин цӀарахлера фонд хиларна тӀе тидам бахийтира Кадырова Хутмата.
Ткъа Иванова Галинас билгал ма-даккхара, медицинин реабилитацица доьзна Нохчийчоьнан зеделларг Россин регионашкахь а пайдаэца хьокъала доллуш ду.