Коьртехь Вайханов Байбетар а волуш, Гуьмсерчу Россин спецназан университетан (РУС) векалш бу дуьненайукъарчу тӀеман-техникин «ARMY 2023» форумехь дакъалоцуш.
Россин гӀаролан промышленностаца йоьзна 1 500 гергга предприяти йу цигахь шайн сурсаташ а, гӀирсаш а, техника а йовзуьйтуш.
Цул сов, изза болх беш йу 7 махкара 85 компани а.
РУС-н векалша толлуш ду керла герзаш, бӀаьхойн барзакъаш, техникаш.
Цу тӀе, герзаш даран компанешца цхьаьнагӀуллакхашдаран хьокъехь берташ беш а бу цара.
Вайханов Байбетара билгал ма-даккхара, ишттачу форумашка дӀасабаха а, оьшшуш болу берташ бан а РУС-н белхахой йиш хилар Нохчийчоьнан Мехк-Дас Кадыров Ахьмад-Хьаьжин Рамзана терго а, накъосталла а деш хиларца доьзна ду.