Дагестанерчу ХӀинжа-ГӀалахь сийсара хиллачу бохамехь лазийнчарна цӀий оьшуш хилар тидаме а оьцуш, Къоман гвардин Нохчийн Республикехула йолчу Урхаллин белхахоша дакъалаьцна цӀий дӀадаларна леринчу «ГӀоьнан куьг кховдаде» акцехь.
Telegram чуьрчу шен каналехь оцу хьокъехь хаам бина Кадыров Рамзана.
Цо билгал ма-даккхара, бӀаьхоша цӀий дӀадаларан болх лоьрийн тергонехь дӀабаьхьна бу.
Иштта, оццу лоьраша а, ша Нохчийн Республикин Мехк-Дас а баркалла аьлла гӀоьналлин акцехь дакъалаьцначу вайн бӀаьхошна.
Кадыров Рамзана тӀе тидам ма-бахийттара, Даймахкана а, халкъана а оьшшучу хӀуманна тӀехь накъосталла дан нохчийн бӀаьхой кийча хиларан тоьшалла ду иза.