Спортан ишколашна дешаран гӀуллакхаш кхочушдан бакъонаш йаларан болх дӀабирзина Нохчийчохь.
Вайн махкаца цхьаьна и болх чекхбаьккхина Россин 4 регион а йу: Воронежан, Калугин, Курганан, Сахалинан областаш.
Россин вице-премьеран Д.Чернышенкон доклада тӀехь билгалдаьккхина иза.
Дешаран гӀуллакхаш кхочушдан бакъонаш спортан ишколашна йалар федерацин законашкахь хийцамаш барца доьзна ду.
Цаьрца а догӀуш, тренерш хӀинца педагогикин белхалой ларалуш бу, спортан ишколаш «Спорт» ПХС-на тӀетосуш йу, спортхошна кхин а бегӀийла хьелаш кхуллуш ду.