Кадыров Ахьмад-Хьаьжин цӀарах йолу Соьлжа-ГӀалин дуьненайукъара «Северный» аэропорт дуьненарчу лехамашца йогӀуш хир йу.
Оцу хьокъехь хаам бина Россин Пачхьалкхан Думин депутата Делимханов Адама.
Проектехь коьрта дакъалацархо ларалучу «Смарт Билдинг» компанин а, кхийолчу организацийн а векалшца кхеташо дӀайаьхьна цо.
Депутата билгалдаккхарехь, карарчу хенахь жигара дӀахьош бу аэропорт йаран белхаш.
Кхачамбацарш цахилар а, оьшшучу гӀирсашца кхачо латтош хилар а хаийтина цигахь.