ХӀетахь, фашизмаца къийсам латторехь, Висаитов а ма-кхаччара, укроНАТОвцийн харц-тобанех а леташ, оцу балхана хьашто йелахь, Эльба хине кхача кийча вай а ду.
Иштта дӀахьедар дина Нохчийн Республикин Мехк-Дас Кадыров Рамзана.
Цул сов, украинхойн халкъ хӀаллакьхиларе а кхуьйсуш, бес-бесарчу демократин цӀарца лечкъаш Ӏамаркан Пачхьалкхан департамент хиларна тӀе тидам а бахийтина цо.
Нохчийчуьра ший а тӀом, Гуьржийчоь, Украинера хьал, дуьненара кхин девнаш Ӏамаркан куьйгаллин лар йолуш хилар а тидамза ца дитина.
Кхечаьрца цуьнан [Ӏамаркан] и ловзарш чекхдевллехь а, Россица иштта хирг цахиларх ша тешаш хилар хаийтина республикин Мехк-Дас.