Кадыров Ахьмад-Хьаьжин Рамзана дӀакхайкхийнчу Нохчийн меттан шеран гурашкахь Къоман политикин, арахьарчу зӀенийн, зорбанан, хаамийн министра Дудаев Ахьмада хӀоттийнчу планаца жигара белхаш дӀахьо «Даймохк» газетан редакцин векалша.
Муниципалитеташкахь а, тайп-тайпанчу хьукматашкахь а «Нохчийн мотт — къоман са» цхьаьнакхетарш дӀадахьар а ду царах.
Уьш кхидӀа а дӀадахьаран гӀуллакх дийцаре дина тахана газетан редакцехь.
Цигахь дакъалоцуш хиллачу газетан коьртачу редактора Шамсудинов Бувайсара билгалдаьккхира хӀора а цхьаьнакхетар нохчийн меттан хазаллина а, йукъараллехь цо лелочу маьӀнина а лерина хила дезар.
Гулбеллачу кхечара а бовзийтира оцу хьокъехь болу шайн хьежамаш.