Селханлерчу кхажтасаран цхьааллин дийнахь Невран кӀоштарчу Корнеевн-КӀотарахь а дӀадаьхьна кхажтасар.
ХӀинццалц Новотерски йуьртана йукъайогӀуш хилла Корнеевн-КӀотар Гал-ГӀаланах дӀатохаран хаттар дара меттигерчу бахархойн кхиэле диллинарг.
Оцу кӀотарна гуобаьккхина долу латтанаш Гал-ГӀалина йукъадогӀуш а долуш, ша и кӀотар Новотерски йуьртана йукъайогӀуш хиларца доьзна дара и кхажтасар дӀадахьар а.
Цуьнан гурашкахь дакъалаьцначу бахархойх 41 стаг (78,85%), «ХӀАЪ» а олуш, шайн кӀотар Гал-ГӀалин латтанех дӀатохарна реза хилла, ткъа 11 стаг (21,15%), «ХӀАН-ХӀА» а олуш, реза ца хилла.
Иштта хаамаш бовзийтина Нохчийн Республикин Харжамийн комиссис.