Нохчийн Республикин Мехк-Дас Кадыров Рамзана дӀакхайкхийнчу «Нохчийн меттан говзанча» къовсаман финал «Грозный» НПТРК-хь дӀахьур йу.
Дешаран а, Ӏилманан а министра Дааев Хож-Баудис бина оцу хьокъехь хаам.
Финал дӀайахьар белхан тобанца дийцаре дина цо, иза 4 тӀедилларх лаьтташ хирг хиларан хьокъехь сацам а беш.
Карарчу беттан чаккхенехь дӀахьур бу тӀаьххьарлера мур (цкъачунна билгалдаьккхинарг 26-гӀа де ду).
Къовсаман совгӀаталлин фонд 8 млн ₽ барамехь йу:
• 1-чу меттигна — 5 млн ₽;
• 2-чу меттигна — 2 млн ₽;
• 3-чу меттигна — 1 млн ₽.