Кадыров Ахьмад-Хьаьжин цӀарахчу Йукъараллин фондо рогӀера гӀо-накъосталла дина тӀеман лерринчу операцехь дакъалоцуш болчу «АХМАТ» спецназан бӀаьхошна.
Telegram чуьрчу шен каналехь оцу хьокъехь хаам бина Кадыров Рамзана.
Цо билгал ма-даккхара, гуманитарин гӀо-орца гуьйренан-Ӏаьнан муьрехь оьшучу гӀирсех а, сурсатех а лаьтташ ду.
Ма-дарра аьлча, цунна йукъадогӀуш ду довха духарш а, генераторш а, пешаш а, вуьжу комплекташ а, и.д.кх.а.
Нохчийн Республикин Мехк-Дас тӀе тидам ма-бахийттара, вайн бӀаьхойн хьашташ кхочушдаран болх тӀеман лерринчу операцин йуьххьехь дуьйна дӀахьош бу Кадыров Ахьмад-Хьаьжин цӀарахчу Йукъараллин фондо.