ХӀусамийн дозанашка кхаччалц маьхза газ йигаран программа жигара кхочушйеш йу вайн республикехь.
И программа кхочушйарехь Россехь а хьалхара меттигаш йохуш Нохчийчоь хилар ду цунна тоьшалла.
Коьртехь Премьер-министр Хучиев Муслим а волуш, селхана Правительствехь дӀайаьхьна оцу балхана лерина кхеташо.
Цигахь билгалдаьккхина ма-хиллара, маьхза газ тӀейига Ӏалашонехь йолчу 4,3 эзар хӀусамах 3,1 эзар хӀусам оцу балхах хӀинцале а чекхйаьлла.
Делахь а, кхачамбацарш а ду оцу декъехь — шайн долара бахамаш ЕГРН-а чохь дӀайазбарехь бахархой парггӀат лелар.
Ткъа маьхза газ тӀейигаран программин лехамашца а догӀуш, газ тӀейигаран хӀусаман а, лаьттан а бух ЕГРН чохь хила безаш бу.