Ша дийна а, могаш а хиларан хьокъехь йаздина Кадыров Рамзана Telegram чуьрчу шен каналехь.
Цо билгал ма-даккхара, хӀокху деношкахь церан доьзал чӀогӀа сагатдеш бара цамогаш хиллачу Кадыров Ӏабдулхьамидан Мохьмадах.
Иштта, белхан гӀуллакхца Москвахь хилла ша а цунна тӀаьхьавахар хаийтина Нохчийчоьнан Мехк-Дас.
Цул сов, шен могашаллица доьзнарг а довзийтина цо.
«АллахӀана хастам бу, дийна а, могаш-маьрша а ву со«, — йаздина цо.
Делахь а, шен могашаллин хьокъехь эладитанаш дийцар а цхьа дика долуш хиларна тӀе тидам бахийтина Кадыров Рамзана — аьшпаш буьттуш а, эладитанаш дуьйцуш а болу хаамийн гӀирсаш билгалбовлар.