Кадыров Рамзана, шеца цхьаьна Мехкан Муфти Межиев Салахь-Хьаьжа а волуш, Соьлжа-ГӀаларчу Жуковскийн урамехь керла маьждиг даран белхаш теллина.
4 эзар гергга адам чу а тарлуш хир долу и маьждиг, дина а даьлла, кестта схьаделла кечдеш ду.
Нохчийчоьнан Мехк-Дас билгал ма-даккхара, тӀекхочуш долчу Соьлжа-ГӀалин дийнахь схьайоьллур йу и «Делан хӀусам» а, цунна лулара Жуковскийн урам а.
ГӀишлошйархоша чохь а, арахь а бина белхаш теллина шаьш довларца цхьаьна, АллахӀан Элча Мухьаммад ﷺ а хестош, мовлад дийшира цара.