Кадыров Ахьмад-Хьаьжин цӀарахчу Соьлжа-ГӀалин дуьненайукъарчу «Северный» аэропортехь дӀахьош болу гӀишлошйаран белхаш теллина Кадыров Рамзана.
Цо билгал ма-даккхара, и белхаш даханчу шеран аьхка дӀаболийна бен боццушехь, дикка жамӀаш ду хӀинцале а гуш.
«Аэропортан кертахь 18 гӀишло йан лерина. ХӀинцалерчу аэровокзалан гӀишло а, дуьненайукъарчу рейсийн терминал а къаьсттинчу некъаца цхьаьнатухур йу», — билгалдаьккхина Нохчийн Республикин Мехк-Дас.
Иштта, аэровокзалан керла комплекс дукхахьаштийн хилла ца Ӏаш, Соьлжа-ГӀалин башхачу объектех цхьаъ хирг хиларна тӀе тидам а бахийтина цо.
Башха а, шех тера кхин терминал а йоцуш, авторша хаза кечйина комплекс хир йолуш йу иза.