ХӀинццалц Нохчийн Республикин культурин министр лаьттинчу Кадырова Ӏайшатах мехкан Правительствон вице-премьеран дарж тешийна.
Оцу дарже иза хӀоттайе аьлла, Нохчийн Республикин Мехк-Дега Кадыров Рамзане дехар дина Премьер-министра Хучиев Муслима.
Цул сов, хӀинццалц вице-премьеран даржехь къахьегна Дадаев Муса культурин министр хӀоттор а кховдийна Правительствон куьйгалхочо.
Telegram чуьрчу шен каналехь оцу хьокъехь хаам а беш, Хучиев Муслиман дехарш ша къобалдина хилар хаийтина Кадыров Рамзана.