Россин Федерацин Президентан Путин Владимиран 71 шо кхачарна лерина йоккха флешмоб дӀайаьхьна тахана Соьлжа-ГӀалахь.
Шайгахь Россин а, Нохчийчоьнан а байракхаш а, Путин Владимиран суьрташ а долуш, цигахь дакъалецира 25 эзар сов стага.
Флешмобан веза хьаша хилира Нохчийн Республикин Мехк-Да Кадыров Ахьмад-Хьаьжин Рамзан.
Шен къамелехь цо билгалдаьккхира Россин Президентан Путин Владимиран а, Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин а нохчийн мехкан а, халкъан а дахарехь долу маьӀна.
Дакъалацархоша башха сурт а «гайтира» цигахь — 71 терахьан кеп хӀоттийра цара шайн латтарца.
Акцин чаккхе нохчийн эстрадин концертаца йерзийра.