Нохчийн Республикин могашалла Ӏалашйаран керла министр Алханов Адам ву.
Оцу дарже иза сехьаваьккхина Правительствера — цигахь вице-премьеран даржехь къахьоьгуш вара иза.
Telegram чуьрчу шен каналехь иштта хаам бина Нохчийн Республикин Мехк-Дас Кадыров Рамзана.
Росздравнадзоран Москвахула а, Москван областехула а йолчу Урхаллин куьйгалхо волчу Курынин Романца ша дӀадаьхьначу цхьаьнакхетарехь вовзийтина цо иза.
Дуьйцучу цхьаьнакхетарехь дакъалоцуш Нохчийн Республикин вице-премьер Кадырова Ӏайшат хилла хилар а хаийтина Нохчийчоьнан Мехк-Дас.