Къоман гвардин Къилбаседе-Кавказан округан кадечу Ӏалашонийн 96-чу полкана тӀеман керла байракх йелла.
Россин Федерацин Президентан Путин Владимиран Указца йелла йу цунна иза.
ТӀеман керла байракх дӀайаларехь дакъалаьцна Нохчийн Республикин Мехк-Дас Кадыров Рамзана а, Къоман гвардин Къилбаседе-Кавказан округан эскарийн коьртехь лаьттачу Захаров Сергейс а.
Шен къамелехь Кадыров Рамзана декъалбина полкан бӀаьхой а, церан буьйранча Тушаев Мохьмад а.
Цул сов, тӀеман лерринчу операцехь цара жигара дакъалоцуш хилар а билгалдаьккхина.
Тоьллачу бӀаьхошна Россин Федерацин пачхьалкхан совгӀаташ даларца дӀадирзина и даздаран цхьаьнакхетар.