Палестина а, палестинхой а, иштта, тӀеман лерринчу операцехь дакъалоцуш болу вайн бӀаьхой а боьхуш, махкарчу маьждигашкахь тахӀаджуд-ламазаш дина 150 эзар гергга стага.
И дӀадолор Нохчийчоьнан Мехк-Ден Кадыров Рамзанан хиларна тӀе тидам а бохуьйтуш, оцу хьокъехь хаам бина Нохчийчоьнан Муфтис Межиев Салахь-Хьаьжас.
Цо билгал ма-даккхара, хӀора а буса и тахӀаджуд-ламазаш кӀотарийн а, йартийн а, гӀаланийн а даккхийчу маьждигашкахь деш ду.