Каримов Ӏаьлви кхалхарца цуьнан доьзале а, гергарчаьрга а кадам бина Кадыров Рамзана.
Оцу хьокъехь кост зорбатоьхна цо Telegram чуьрчу шен каналехь.
Шен къамелехь Мехк-Дас билгал ма-даккхара, Нохчийчоьнан а, Россин а журналистикина дахар дӀаделла стаг вара иза.
Цул сов, Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин тешаме накъост а, нохчийн халкъан дика кӀант а иза хилла хилар а тӀетоьхна Нохчийн Республикин Мехк-Дас.
«Дипломат а, политолог а, аналитик а, историк а, журналист а, йаздархо а, шен Даймохк безархо а санна вевзара тхуна иза. Нохчийн Республикин ШХГӀ меттахӀитторехь а, кхидӀа кхиорехь а дукха диканаш дина ву иза», — йаздина Кадыров Рамзана.
Дагадоуьйту Каримов Ӏаьлви Нохчийн Республикин Мехк-Ден пресс-секретарь а лаьттина хилар.
73 шо дара цуьнан.