Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин кӀентан кӀантана Адамна «Дуслык» орден йелла ГӀезалойчоьнан куьйгалхочо Минниханов Рустама.
Оцу мехкан пачхьалкхан совгӀат долу и орден къаьмнашна а, динашна а йуккъера машар а, барт а чӀагӀбарна луш йу.
Кадыров Ахьмад-Хьаьжин кӀентан кӀантана Адамна иза дӀа а луш хилла Соьлжа-ГӀалахь Минниханов Рустам.
Telegram чуьрчу шен каналехь оцу хьокъехь хаам бина Россин Пачхьалкхан Думин депутата Делимханов Адама.
Иштта, Кадыров Адам, Сийлахь Къуръан дагахь а хууш, дешарехь а, спортехь а баккхий кхиамаш а болуш стаг хилар а билгалдаьккхина цо.