Кхарачойн-Чергазийчоьнан пачхьалкхан коьрта совгӀат делла Кадыров Ахьмад-Хьаьжин кӀентан кӀантана Адамна — «Кхарачойн-Чергазийн Республикин дуьхьа хьуьнарш гайтарна».
Telegram чуьрчу шен каналехь оцу хьокъехь хаам бина Кадыров Ахьмад-Хьаьжин Рамзана.
Цо билгал ма-даккхара, шеца цхьаьна Россин Пачхьалкхан Думин депутат Делимханов Адам а волуш, Черкесскехь хилла Кадыров Адам.
Лакхахь хьахийна и совгӀат Кадыров Адамна дӀа а луш, цаьрца цхьаьнакхетар дӀадаьхьна Кхарачойн-Чергазийчоьнан куьйгалхочо Темрезов Рашида.
Цул сов, кхин цхьа совгӀат а делла Кадыров Адамна циггахь — I-чу тӀегӀанера «Умматна хьалха хьуьнарш гайтаран» орден.
Иза йелла Кхарачойн-Чергазийн Республикин муфтис Бердиев ИсмаьӀал-Хьаьжас.