«Грозный» НПТРК-хь дӀабаьхьна «Нохчийн меттан говзанча» къовсаман финалан мур.
Цуьнан жамӀаш а деш, толамхой билгалбахарехь дакъалаьцна Нохчийн Республикин Мехк-Дас Кадыров Рамзана.
Цо билгал ма-даккхара, къовсаман жамӀ иштта ду: 1) Бурчаев Хьалим; 2) Гехаева Зулай; 3) Дашаева Амнат.
1-ра меттиг йаккхарна 5 млн ₽ делла;
2-гӀа меттиг йаккхарна 2 млн ₽ делла;
3-гӀа меттиг йаккхарна 1 млн ₽ делла.
Цул сов, финале ваьллачу кхин 7-нна а дина ахчанан совгӀаташ — хӀоранна а делла 500 эзар ₽.
Иштта, Нохчийн Республикин Мехк-Ден Баркаллин кехаташца а билгалбаьхна уьш.
Кадыров Рамзана билгал ма-даккхара, «Нохчийн меттан говзанча» къовсам Нохчийн меттан шеран гурашкахь дӀабаьхьна бара.
Иза вовшахтохар лаккхарчу тӀегӀанехь хиларна тӀе тидам а бохуьйтуш, ГӀ.Таймасхановна а, А.Дудаевна а, Х-Б.Дааевна а баркалла аьлла республикин Мехк-Дас.